قصة أغرب من الخيال ,,,,,,,,, قصة رائعة .........

قصة احمد بن كليب و اسلم بن ابى الجعد ,,,, قصة أغرب من الخيال......
=========================,,,,===
القصة ذكرها بن الجوزى :-
-----------------------------
احمد بن كليب دا راجل صريع شهواته يا عينى عليه ؛ حب حب حرام ؛ تفتكروا حب حرام يعنى صاحب او او او ؛ لا يا جدعان احمد بن كليب دا محبش امرأه ؛ هو حب حب من نوع تانى خالص
البشمهندس حب الغلام الى اسمه اسلم بن ابى الجعد و كان من بنى خلد ؛ و كان فى قبليه اسلم وزراء و ملوك و حجابا ؛ و كان اسلم بيطلب العلم الشرعى فى مجالس الشيوخ
فراح احمد دا انشد فى اسلم اشعارا الناس كلها ابتدت تتكلم عنها ؛ و سيرة اخونا اسلم بقت على كل لسان
فلما عرف اسلم الى بيقوله فيه بن كليب دا عمل ايه تفتكروا ؟ استحى من الناس و مبقاش يطلع من البيت و مكنش بيشوف حد
و دا الى خلى الى الله يسامحه بن كليب يزيد حب فى اسلم و تعلق بيه
و من كتر حبه فى اخونا اسلم مرض بن كليب لدرجة ان الناس بقت بتزوره
فالكل مش عارف ايه بيه يا عينى مريض و محدش فاهم سبب مرضه
فسأله احد المشايخ عن مرضه : فقال و شوف يا اخى يعنى جاب من الاخر الصراحة
قال للشيخ ايه ؟ قاله : انتم عارفين من ايه مرضى و فى ايه دوائى و لو زارنى اسلم مرة و بصلى بصه و انا شوفته بس كدا انا هبقى عال العال
فالعالم او الشيخ من وجهة نظره ان لو خلى بن كليب يشوف اسلم دا هيكون فى مصلحته
فراح العالم لاخونا اسلم و قد يسأله لحد ما اخونا اسلم اتحرج وراح مع العالم

بس استنى بس هقولك

اول ما دخل بيت بن كليب و على الباب اتردد اخونا اسلم و استحى انه يدخل و قال للعالم : مش هدخل عليه و هو قال عليا و نوه باسمى ؛ و المكان دا مكان ريبه و تهمة ؛؛ و انا مش بحب ادخل مداخل التهم

فالراجل العالم قعد يقوله طب ادخل طب ادخل طب ادخل

فراح العالم قايل لاخونا اسلم ايه و مش لاقيه تعليق على مقوله العالم الصراحة : انه ميت لا محاله فاذا دخلت عليه احييته ؟

اسلم يرد عليه رد تحفه الصراحة : قال ايه ؟ قال : يموت هو بس انا مش ادخل مدخل يخلى ربنا يسخط عليا و يغضبه و مشى بعدها اسلم من غير ما يدخل على بن كليب

بس فى الاول بن كليب الخادم بتاعه قاله ابشر اسلم جى يبص عليك قام و تطيب و عاش حياته و لما العالم قاله الى عمله اسلم قاله طب اسمع منى و احفظ و قول الى انا هقولهولك دا

اسلم يا راحة العليل ..... رفقا على الهائم النحيل
وصلك اشهى الى فؤادى ..... من رحمة الخالق الجليل

العالم قله اتقى الله و مشى ؛؛ و لما توسط العالم الدار سمخ صراخهم على بن كليب

مات بكبيرة من الكبائر او ممكن نقول مات على الكفر

ربنا ينجينا وياخد بادينا

بس شوفتوا اسلم عمل ايه

دا بقى الى تشوفه يوم القيامة و نقوله بجد اسلمت يا اسلم بارك الله فيك و رضى عنك و ارضاك

جزاكم الله خيرا ^_^
.